Бурханы үг бол толь

Сүнсээрээ харанхуйд суугч хүн хуурмаг толийг хэрэглэж байдаг. Тэгээд Бурханы үгээр өөрийн үнэн дүр төрхөө харахын оронд өөртэйгөө төстэй хүн юм уу, эсвэл өөрөөсөө доор хүнийг харж харьцуулан сэтгэлийн ханамжийг авах гэдэг. Ийм хүн өөрийгөө үргэлж залуу, бахархмаар болгож харагдуулдаг хуурмаг толинд дуртай байдаг. Тэгээд жинхэнэ толь болох Бурханы үгийг тоолгүй дорд үздэг. Энэ бол буруу.

Манай чуулганд нэгэн эгч хэдэн сар явж байгаад өөр чуулган уруу явсан. Тэр манай чуулганаас гарахдаа “Энд ихэнх нь залуухан хүмүүс байгаа болохоор тэдний дунд байх нь намайг тэднээс илүү өрөвдмөөр, хөгшин хүн шиг харагдуулж байна. Тийм учраас би өөр чуулган уруу шилжихээр шийдлээ” гэсэн бичгийг үлдээсэн байсан. Түүнийг хаашаа явсныг асуух хэрэггүй биз ээ. Магадгүй настайчууд их байдаг чуулганд очоо биз. Тэр тэнд өөрийгөө залуу гэж андууран өөрийнхөө сэтгэлийг тайвшруулж байгаа байх. Бидний дунд үүн шиг сүнсээрээ өвчилсөн хүн багагүй байна. Миний отгон хүү бага байхдаа шалгалтандаа муу дүн авчихаад “Ааваа миний хажуу талын хүүхэд 9 алдсан, харин би дөрөвхөн алдсан” гэж аргалдаг байв. Энэ түүний толь буруу гэдгийг сайн харуулж байна. Бид Бурханы үг хэмээх толийг сайн харах хэрэгтэй. Хүн энэхүү Бурханы үг хэмээх толинд л өөрийгөө байгаа чигээр нь нэвт харж чадна. Тиймээс дотоод хүнийхээ хүч чадлыг юунаас болж булаалгуулснаа оношилж болно. Бурханы үг амьд бөгөөд хүч чадалтай учраас юу нь өвчилсөн бэ гэдгийг шууд олж, жорыг бичиж өгнө.

1:1 библийн хичээл хэрхэн хийх вэ?

"Иймээс явж, бүх үндэстнийг дагалдагч болгогтун. Эцэг, Хүү, Ариун Сүнсний нэрээр тэдэнд баптисм хүртээж,...” (Матай 28:19)

Дагалдагчийг өсгөх ажилд “юуг заах вэ?” гэсэн сургалтын агуулга нь чухал боловч, “хэрхэн заах вэ?” гэсэн практик аргачлал ч бас чухал байдаг. Гэвч эдгээрээс илүү чухал хүчин зүйл нь “багш” өөрөө байдаг билээ. Сайн мод л сайн үр жимс төрүүлдгийн адилаар зөвхөн сайн багш л сайн шавийг төрүүлдэг. Энэхүү зарчим нэгийг харьцах нэгийн библийн хичээлээр дагалдагч бэлтгэхэд ч мөн хэрэгждэг. Өнгөцхөн харвал, асуудлууд нь зөвхөн хоньдод байдаг мэт санагдавч, сайтар нягталж үзвэл асуудлын бараг 90% нь хоньчноос хамааралтай байдаг байна. Тэгвэл хоньдод хандах хоньчны хандлага ямар байх хэрэгтэй вэ?

1.     Нэгийг харьцах нэгээр дагалдагч бэлтгэхийн утга учир     

Нэгийг харьцах нэгийн үйлчлэл

Зохиогч: Др.Ан Жосе

Түлхүүр ишлэл: Иохан 12:24

“Үнэнээр, үнэнээр Би та нарт хэлье. Хэрэв улаан буудайн үр газар унаад үхэхгүй бол тэр ганцаараа үлдэнэ. Харин хэрвээ тэр үхвэл олон үр бий болгоно.”

Орчуулсан: С.Баатарзул © http://tulguur.blogspot.com

Саяхан нэгэн Фараоны Пирамидаас улаан буудайн нэгэн үр олджээ. 3000 гаран жилийн өмнөх үр одоо болтол байж байгааг мэдэхэд гайхмаар байлаа. Гэвч энэ үр хэзээ ч газар унаж, үхээгүй бөгөөд энэ олон жилийн турш ганцаараа үлдсэн нь харамсалтай байлаа. Хэрвээ энэ үхсэн бол хэдэн сая тонн улаан буудайг боловсруулж энэ дэлхий дээрх олон хүмүүсийг хооллох байсан нь лавтай.

Нэгийг харьцах нэгийн үйлчлэл нь үхэж, үлэмж их үр жимс гаргасан Есүсийг дуурайх явдал юм. Бурхан бидний хүн нэг бүрт улаан буудайн нэгэн үр шиг нэгийг харьцах нэгийн библийн багшаар “өөрийгөө үхүүлэн” амьдрахад туслах болтугай. Ингэснээр Бурхан Германы үйлчлэлийг хоёр дахин өсгөж, Европ тивийг дэлхий даяар илгээлтийн эздийг илгээдэг тив болгон сэргээх болтугай.

Нэгэн итгэгчийн түүхээс их урам авлаа...

Урьд шөнө Диетрих Бонхоеферийн тухай кино үзлээ. Бурханы үгийн дагуух зөвт байдлыг эрэлхийлэх түүний хүсэл тэмүүлэл гүн сэтгэгдлийг үлдээлээ. 


Теологич, пастор байсан тэрээр 1930-аад оноос эхэлсэн нацистуудын социалист хөдөлгөөн болон түүнийг толгойлогч Гитлерийн эсрэг тэмцэгч Герман пастор байсан гэдгээрээ алдаршсан нэгэн юм. Гэхдээ түүний тэмцлийн талаар түүхийг үзвэл тэрээр зэвсэг барьж юм уу, эсвэл улс төрийн өнцгөөс асуудалд хандаж, тэмцсэнгүй. Харин өөрийгөө Бурханаар томилогдсон эш үзүүлэгч, апостл гэж тунхаглаж, тэр байтугай католик сүмтэй тохиролцоонд хүрч хүлээн зөвшөөрүүлсэн Гитлерийн бурангуй тунхаглал болон үйлдлийн эсрэг үнэний үгийн зөв байдлын төлөө тэмцжээ. Гитлер өөрийгөө герман үндэстнийг босгон сэргээж, еврейчүүдийн дарлалаас чөлөөлөхөөр илгээгдсэн Бурханы элч хэмээн тунхаглаж, түүгээр ч зогсохгүй Есүсийн тунхаглаж байсан чөлөөлөлтийг өөртэйгөө холбон тунхаглаж байжээ...

Бонхоеферийн үнэний төлөөх тэмцэл эцсийн сүүлд түүнийг үхэлд хөтөлсөн юм. Хэдий түүний эргэн тойронд байсан хүмүүс нь Гитлерийг бөмбөг тэслэн алах хуйвалдаанд оролцож, түүнийг бас тэдэнтэй нэгдэхийг уриалсан ч тэрээр хүлээн авахаас эрс татгалзжээ. Үнэндээ л Христийн үгийг дагах түүний зүрх сэтгэл ороо бусгаа тэр үед шижир алт мэт хичнээн үнэ цэнэтэй байгаа вэ...

Тэр итгэсэн... Итгэлээ ч тунхагласан... Тунхагласнаараа ч амьдарчээ... Алдрын титэм түүнийх...

Posted 20th August by Baatarzul Sukhbaatar

Там ба диваажин

Үзээд сэтгэл эвгүй болж байна. Миний хайртай бүх хүмүүс Есүст итгэвэл ямар сайхан бэ?
Би тэднийхээ төлөө залбирсаар байх болноо. Хамтдаа диваажинд очмоор байна.

Selected of God Choir - Lose Yourself

Нигүүлсэл

Өөрсдийн хүч чадал минь барагдаж дуусах үед
Өршөөлт Аав минь биднийг үргэлж дүүргэж өгдөг
Түүний хайрт нигүүлсэлд хэмжээ хязгаар үгүй
Түүний хүч чадлыг хэмжээлээд огт барахгүй
Христ Есүс доторх хэмжээлшгүй баялгаараа
Хүн бүхэнд Тэр өгсөөр өгсөөр өгсөөр байдаг
           
       Тиймээ, энэ бол  НИГҮҮЛСЭЛ

энэ шүлэг надад их таалагдлаа..

                 

                                                      Таны /чиний/ төлөө

Хийхийг хүсэж байгаа зүйлд нь дагуулж яваасай  гэж

Хүмүүстэй уулзаж ярилцахад нь хамт байгаасай гэж

Хэн нэгэнд туслахаар явахад нь хүч чадал өгөөсэй гэж

Хайр харуулан үйлчлэхэд нь халуун сэтгэл өгөөсэй гэж

Энэ өдөр эрхэм анд таны төлөө эзэн Бурханаасаа би гуйн залбирлаа

Хүч алдан унахад нь хамгаалан тэвэрч босгоосой гэж

Хатуу ширүүн соррилтонд нь хувиршгүй итгэлийг өгөөсэй гэж

Хүнд хэцүү асуудлуудаас нь хүчит гараараа чөлөөлөөсэй гэж

Хорт муу зуршлуудаас нь холдуулан салгаж яваасай гэж

Энэ өдөр эрхэм анд таны төлөө Эзэн Бурханаасаа би гуйн залбирлаа

Хамгаас хайртай хүмүүсийг нь хайрлан сонгож аваасай гэж

Хөөрхөн төрсөн биенд нь хэрэгтэй бүхнийг өгөөсэй гэж

Хайрлан дурласан сэтгэлд нь хүсгүй нандин холбоог өгөөсэй гэж

Хэлэх  дуртай үгэнд нь халлелү-яах үргэлж байгаасай гэж

Энэ өдөр эрхэм анд таны төлөө эзэн бурханаасаа би гуйн залбирлаа

Сэтгэлд байдаг дуу

Жилийн өмнөөс би Бурхан луу хандаж залбирч эхэллээ. мэдээж эхэндээ шууд залбираад эхлэхгүй л дээ. Библиэ уншина, магтан дуунууд сонсоно, ном уншина.
Надад нэг сд хадгалагдсаар ирсэн. Пүжэ ах, Амараа эгч 2н"Бурхан Таны хайр ариун, агуу" гээд анхны сд нь байх шүү. Тэр гоё дуунууд дотроос "Бурхан Таны хайр ариун" гээд 5 дахь дуу нь байнга сонсоно. Сүүлдээ энэ дууг сонсохоор л өөрийн эрхгүй уйлмаар болно.
тэгээд залбирч эхэлдэг байлаа. Миний дотор орсон дуу даа. Тэгээд өглөө бүр бас нэг л дууг дуулдаг болсон нь "Эзэн Та миний дотор цэвэр зүрхийг бүтээгээч"..." гэдэг дуу. олон дахин дуулах бүр би орчноосоо тасарсан мэт, шал өөр газар очсон мэт болдог байсан. Энэ дуунд өгүүлсэн шиг би цэвэр зүрхтэй, зөв сүнстэй, Эзэний оршихуйд ойр байхыг л хүсдэг. Зөв хүн л баймаар байна.
Дуу надад маш их нөлөөлдөг.

зүүд

Хүн ер нь яахаараа хар дарж зүүдэлдэг юм болоо?
2000 онд би эмнэлэгт хэвтэж байхдаа "Мастер Маргарита" гэдэг номыг уншиж билээ. Уг нь их агуу зохиол. Уншиж үзсэн хүмүүс бол энэ зохиолд юу гардагийг сайн мэдэх байх. Хэдэн сарын өмнө киног нь үзсэн.
Харин энэ номыг уншаад дуусгасны дараахан тэр шөнөдөө нөгөө айхтар хар муур зүүдэнд орлоо. Хажууд нь нинжа маягаар хувцасласан нүүр амаа тагласан нэгэн хүн миний хоолойг шууд багалзуурддаг юм даа. Хажуугийн оронд хэвтэж байсан охиныхоо нэрийг арай гэж дуудлаа. Тэр намайг сонсохгүй байгаа бололтой. Харин би тэр хар хүнээс "чи хэн бэ?" гэж асуухад тэр гэнэт алга болчихсон. Энэ гэхдээ яг бодитой юм шиг болсон. Би маш тод санаж байлаа. Тэгээд хажуу охиноосоо асуухад "чи намайг дуудаагүй ээ, харин амьсгал чинь давчдаад байгаа юм шиг янцаглаад байсан" гэж хэлсэн.
Би харин нэг хэсэгтээ унтахгүйг хичээсэн боловч нойр маань намайг яалт ч үгүй дийлсэн.
Дахиад л "хар хүн". Яг миний толгой дээрээс харж байсан. Хоолойг маань боож эхлэхэд би "Есүсийн нэрээр залбирч, бүр хашгирч эхэллээ. тэгээд л тэр хар хүн яваад өгсөн. Хажуу орны охин "чи яасан бэ? хамаг хөлс чинь цувчиж, хар дарж зүүдлээ юу?" гэж асуусан.

Маш олон удаа хар дарж зүүдэлдэг. Тэр бүртээ би өөрийн эрхгүй "Есүсийн нэрээр тушааж байна.. гээд л" залбирдаг. Хамгийн гол нь өглөө сэрэх бүртээ зүүдээ маш тод яг бодитоор болсон юм шиг санадаг. Би зүүдэндээ муу сүнстэй тулдаг гэж боддог.Харин байнга шахуу ийм хар дарсан зүүд зүүдлэхдээ би айхаа больсон нь сонин.

Hallelujah Handel's Messiah - George Frideric Handel

Сүмийн найрал дууны хамгийн алдартай дуу.

Архиваас...

Би гэдэг хүн өөрт таалагдсан юу л байна тэрийгээ хаачилж авч хадгалах дуртай нэгэн. Манай цуглаанд шүлгээр амьсгалдаг нэг охин байсан. Нэр нь Отгоо. Зарим нэг шүлэг нь дуу болоод манай "Халлелүяа" магтан дууны хэсэг дуулдаг байсан. Харин саяхнаас би өөрийн олон жил дарагдсан бичиг цаасаа эмхэлж байгаад Отгоогийн шүлэгнүүдийг оллоо. Тэгээд ямар ч байсан блогтоо оруулая гэж бодлоо. Уншаад үзээрэй. тэгээд дахиад уншаад үз.

Уулзалт

Түрүү 7 хоногт нэг гоё уулзалт боллоо.
1992 оноос хойш хамтдаа Үүрдийн Гэгээ цуглаанд явж байсан нэг үеийн эмэгтэйчүүд.
Ихэнх нь надаас ганц хоёроор эгч боловч яагаад ч юм хүндлэл төрүүлмээр хүмүүс байдаг болхоор эгч гэж дуудаад сурчихсан.
Нэг кафед бие биенийхээ царайг удаан хараагүй хүмүүс орилолдоод л, "яг хэвээрээ байна ш дээ" гэж дуу алдацгаана.
Тэр үед яагаад ч юм 1992-1996 оны хооронд ганц хором ч болтугай очмоор санагдаж билээ.
"Үүрдийн Гэгээ" цуглаан маань тэр үедээ хамгийн их хүнтэй хамгийн эрч хүчтэй өргөн үйл ажиллагаа явуулдаг байсан. Наадмийн дараагаас л хөдөө орон нутаг руу баг болоод бүтэн сараар явж шинэ сүм цуглаан байгуулах, гудамжаар нь хүмүүст Есүсийн талаар ярьж, орой болхоор "Есүс" кино гаргадаг байлаа. Томилолтоосоо ирсний дараа цуглаан дээрээ тайлангаа тавина.
Тэр үед Библийн "Хуучин гэрээ" орчуулагдаагүй байсан болхоор Мягмар гариг бүр хуучин гэрээний хичээл гэж ордог байж билээ.
Хөгшин залуугүй их хөдөлгөөнтэй, ямар ч ажил даалгасан чин сэтгэлээсээ хийнэ. Залуу насны эрч хүчээ гэж...
Одоо ч гэсэн тэр эрч хүч нь алдагдаагүй байгааг сая уулзалтаараа хараад сэтгэл их догдолж байсан.
Энэ уулзалтаараа л би өөрийгөө яг юу хүсээд байгаагаа мэдэж олж авсан.
Сар бүр тэр эрч хүчтэй найз, эгч нартайгаа уулзана гэхээр дэндүү сайхан байна.
Тэр их эрч хүч, баяр хөөр, урам зоригийг өгч байдаг Есүс Тандаа талархая.

Библийн орчуулга монгол хэл дээр

Сонин баримт                                                           АГАПЕ сониноос... 1995 он

"Монголын нууц товчоо" хэмээх алдарт дурсгал бичгийг бичигдсэнээс хойш тийм ч их удалгүй Библи судрын анхны монгол орчуулгыг хийсэн тухай мэдээ ч байдаг. Тухайлбал:
"Шинэ гэрээ" болон "Дуулал"-ыг Тартаруудын нийтлэг хэл рүү орчууллаа гэж Поп Николас 4-ийн Хубилай хааны дэргэд сууж байсан элч Монтэ Карино монголын хааны нийслэл Камбулагаас /Ханбилэг/ 1306 оны 1 сарын 13нд бичсэн захидалдаа дурдсан байдаг аж. Библийн монгол орчуулгын талаар мөн Поп Бенедикутын 1335 онд бичсэн захидалд дурдсан нь бий гэнээ.
Байгал нуураас баруун тийш суудаг Буриадуудыг эс тооцвол Монголчууд нь загалмайн ертөнцөд багтдаггүй ч гэсэн Библи судрыг төрөлх хэл рүүгээ орчуулах явдал тэдний дунд уламжлал болж иржээ. Библи судрын монгол орчуулгын анхны хэсэг 1815 онд Халимагт гарч, залгаад сонгодог монгол бичгээр 1819 онд хэвлэгдсэн байна.

Дараа нь Халхад 1872 онд, Буриадад 1909 онд тус тус хэвлэгджээ. Дээр дурьдсан 14-р зууны үеийн орчуулга хэдийгээр одоо болтол олдоогүй боловч Библи судрын орчуулга нь монголын соёлд түүний анхны бичиг дурсгалын нэгэн болж орсон түүхтэй гэж эрдэмтэд үздэг байна.

Сонингийн хайчилбараас...

                                                                                                             АГАПЕ сонин...1996 он

Бяцхан авралын зар тараагч

Энэхүү түүх нь олон жилийн өмнө Хятадын Ман Чви Ра И гэдэг тосгонд болсон явдал билээ. Авралыг зар тараагчийн үүдний өмнө нэгэн бяцхан охин хөгжилтэйеэ тоглож байна. Бүгд л түүнийг "Бяцхан үүл" гэж дууддаг байлаа.
Заримдаа томчуул Бяцхан үүл-д задгай зоосон мөнгө өгдөг байв. Тэр үед Бяцхан үүл дарууханаар талархан мэхийгээд тэнгэрт нисэх мэт аав ээж рүүгээ гүйгээд явчихдаг байлаа. Томчууд түүнийг харах болгондоо инээмсэглэн Бяцхан үүл маань мөнгөөрөө юу худалдаж авдаг бол? чихэр үү эсвэл чихрийн уусмалд дүрсэх алим уу? гэж боддог байжээ. Ман чви ра И тосгоны багачууд чихрийн уусмалд дүрсэн алиманд маш дуртай юмсанжээ.

Бяцхан үүлийн аав ээж нь цагаан арьст Авралын зар тараагчдын ажилд тусалдаг байв. Тэд Эзэн Есүст хайртай байж, үйлчилдэг байсан бөгөөд тосгоных нь хүмүүс хичнээн элэглэн шооловч тэдний бяцхан цуглаан сайн өсөж байлаа.

Яагаад Христ гэж?

Яагаад Христ гэж үү?
Олон найз нар маань "чи одоо юун Христ вэ?" гэж хэлдэг. Яагаад Будда биш гэж?
Монгол хүн Буддаг л шүтэх ёстой гэж хэн хэлсэн юм бэ?
Анх Христийн цуглаанд явж эхэлсэн үе минь гэвэл 1992 он. Өсвөрийн техникчдийн ордонд цугладаг байсан Мөнхийн гэрэл гэдэг цуглаанд анх очиж билээ. Христ гэдэг нэрэнд биш зүгээр  найз нарыгаа дагаж явсан. гэтэл хаалгаар нь ороход л дотно сэтгэлээр угтаж авсан нь гоё санагдаж байсан. Түүнээс илүүтэйгээр надад дуу нь их гоё байсан. Урд нь сэтгэлд тийм дотно гоё аялгуутай дуу сонсож байгаагүй мэт.
Харин номлолыг нь сонсоод юуу ч ойлгоогүй.Загалмай гэхээр надад хамгийн түрүүнд оросын булшны дээр хатгадаг хэрээсэн мод л санаанд орж билээ.
Үүнээс нэг  жилийн дараа Үүрдийн Гэгээ цуглаанд явж эхлэхдээ л библийг нарийн заалгаж судалсны дараа жинхэнэ итгэгч болсон.
Яагаад Христ гэж? Тэр бол үхлийг ялсан цор ганц Бурхан. Тэр дахин амилсан. Тэр амьд учраас би Түүнтэй залбиралаараа холбогддог. Тэр амьд учраас надад тусалдаг. Тэр амьд учраас намайг өөрчилдөг. Тэр амьд учраас амьдрал утга учиртай байдаг.
Библийг унших бүртээ амьдралыг өөрөөр хардаг. Бас эмээх сэтгэл төрдөг.

хайр гэдэг...

Бараг л 20иод жилийн өмнө нэгэн найз маань намайг хөдөө ажлаар явах гэж байхад нэгэн захиаг надад өгч билээ. Их л нандигнаж боосон захидлын дугтуйн дээр "Хайр гэдэг дөрөвхөн үсэгний цаана агуу том ертөнц байдаг" гэж бичсэн үг нь сэтгэлд бүр хадагдчихсан. Хайр гэдэг тэр ертөнцөөр аялаж үзэх юмсан гэж бодогдож байсан тэр үеэс хойш бараг л хориод жил өнгөрч.
Хайрыг 3н төрөлд багтаадаг гэдэг дээ.Тэр гурван хайрыг би өөртөө бүгдийг авсан. Жинхэнэ хайран дунд бөмбөрсөн. Харин эргүүлж өгч чадаагүй. Өгөх хэрэгтэй гэж мэддэг ч нэг л сэтгэлд хүрч өгөхгүй байна. Сэтгэл минь нэг л хатуурчихсан юм шигээ.
Хүмүүсийг хайрламаар байна..Ядуу гуйлгачин, өвчин зовлонтой ч бай хамаагүй бүгдийг нь ялгахгүй хайрламаар байна.Хайрын тэр агуу ертөнцөөр аялмаар байна.
Тэр агуу хайр нь хаана байнаааа?